O subdelegado do Goberno en Ourense, Eladio Santos, reuniuse esta mañá co presidente da Confederación Hidrográfica Miño-Sil, José Antonio Quiroga, co obxecto de abordar proxectos de interese para a provincia relativos ás competencias do organismo hidrográfico.
Na xuntanza analizaron os proxectos que ten en marcha a Confederación en concellos de toda a provincia e que afectan a temas de regadío, melloras de cuncas, obras de saneamento e creación de sendas ou itinerarios de interese turístico.
Ademais, ambos representantes abordaron o Plan Hidróloxico actual, vixente ata 2027, facendo repaso dos orzamentos de 2025, adicados a novas inversións ou ampliación doutras que xa están en marcha; ao tempo que tamén intercambiaron ideas de cara ao plan seguinte.
“Hai proxectos de transformación hidráulica moi importantes en varios concellos e comarcas ourensáns, que recibirán inversións de millóns de euros, e que ademais significan unha mellora medioambiental substancial dalgunhas áreas nas que era moi necesaria”, concluíu o subdelegado.
