O BNG ven de lograr o apoio de todos os partidos na Deputación de Ourense para defender o galego. O portavoz do grupo, Bernardo Varela, amosou o seu agradecemento polo apoio unánime ao acordo acadado, que parte do recoñecemento común dun grave problema coa lingua. A proposta do BNG foi apoiada incluso polo Partido Popular, que mantivo as liñas principais do proxecto nacionalista.
O acordo permitirá que os servizos de Normalización Lingüística nos concellos de entre 5000 e 20000 habitantes reciban respaldo económico e se amplíen as actuacións en todos os ámbitos. O grupo nacionalista destacou a importancia deste paso, destacando que a lingua galega non só é un elemento identitario, senón tamén un legado cultural que debe ser preservado e transmitido.
