A Agrupación Municipal do PSdeG-PSOE sumouse á ‘Hora do Planeta’, unha campaña global que organiza WWF (World Wildlife Fund), que brinda ás personas, entidades e gobernos de todo o mundo a oportunidade de amosar a súa preocupación polo deterioro ambiental e resaltar a urxente necesidade de actuar contra el.
Trátase dun movemento global en defensa do medioambiente que celebra o compromiso coa naturaleza eo clima. Un sinxelo xesto que consiste en apagar as luces de edificios e monumentos durante unha hora e ao que as e os socialistas de Ourense se uniron apagando a sede do partido, situada na rúa Ribeira de Canedo.
A acción continúa a liña medioambiental e a transición ecolóxica que forma parte dos sinais de identidade do actual Goberno progresista, sempre dende o convencemento de que é precisa máis ambición e rapidez posto que o cambio climático e a perda da natureza poñen en risco a calidade de vida das xeracións futuras.
Neste senso, advirten as e os socialistas que xa se están a padecer as devastadoras consecuencias do cambio climático con temperaturas que baten récords históricos, tempadas excesivamente secas, inundacións e incendios forestais especialmente agresivos en Galicia.
Por todo elo, entre as 20:30 e as 21:30 horas, a sede do PSdeG-PSOE de Ourense permaneceu coas luces apagadas.
