Dende a FGAMT-CIG de Ourense denunciase con firmeza as supostas manobras da empresa Ambulancias Sil, concesionaria do servizo de transporte sanitario 061 e non urxente nas zonas do Barco, Verín, Viana, Trives e A Gudiña, para deixar de aplicar o convenio colectivo vixente. A central sindical rexeita rotundamente que a empresa, que según o sindicato incumpre os pregos do concurso público en materia laboral, pretenda agora «regularizar» a súa negativa ao pagamento de conceptos salariais establecidos en convenio.
A CIG, que leva tempo reclamando estes pagos incluso por vía xudicial, alerta de que a empresa comezou a inaplicación do convenio na base de Viana, pero teme que a medida se estenda ao resto das bases e mesmo ás da súa socia, Ambulancias do Carme.
A central anuncia que tomará todas as medidas necesarias para frear estas actuacións e xa trasladou o caso á Xunta, ao Sergas e ao 061, lembrando que é inadmisíbel que unha empresa acceda a un contrato público e despois incumpra as condicións pactadas.
Advirten tamén que, aínda que a lexislación permite descolgues de convenio, estes deben estar debidamente xustificados, cousa que non acontece, pois Ambulancias Sil non presenta perdas nin baixadas de ingresos. Finalmente, instan ao persoal a non asinar documentos da empresa e a contactar coa CIG.
