A Plataforma «Por unha CRTVG ao Servizo do Pobo» iniciou hoxe, martes 22 de outubro, a recollida de sinaturas en apoio da Iniciativa Lexislativa Popular (ILP) «Liberemos a Galega». O acto central terá lugar ás 17:00 horas en Santiago de Compostela, diante do Derby, onde participarán as portavoces da plataforma, Tereixa Navaza e Manuel Pampín.
A iniciativa denuncia o control político sobre os medios públicos de comunicación, como a TVG e a Radio Galega, e reclama que se garanta a súa independencia informativa por lei. A plataforma fai un chamamento á cidadanía galega para apoiar masivamente esta ILP.
O obxectivo principal é que a CRTVG cumpra cos seus fins fundacionais: promover a identidade, a lingua e a cultura galegas, asegurar o pluralismo ideolóxico, político, cultural e social, e promover activamente a igualdade. Para a plataforma, estas demandas son claves para o correcto funcionamento da democracia en Galicia.
Estas son as mesas instaladas hoxe martes:
- Compostela: ACTO NACIONAL. 17.00 horas, no Derby.
- A Coruña: Obelisco, 17:00 h
- Ferrol: Praza de Armas, 17:00 h.
- Carballo: esquina rúa Coruña coa rúa Desiderio Varela, 17:00 h
- Ribeira: ás 17.00 h. na Praza Pablo Neruda.
- Lugo: Rúa da Raiña ás 17.30h.
- Viveiro: Praza Maior ás 18h.
- Ribadeo: Catro rúas ás 18h.
- Monforte: Cardenal ás 17 horas.
- Ourense: rúa do Paseo ás 17h.
- Carballiño: Rúa Curros Enríquez ás 18h.
- O Barco : Praza do Concello ás 17 horas.
- Verín: Praza do Concello ás 17.30h.
- Pontevedra: praza da Peregrina ás 17 horas.
- Vilagarcía: Praza de Galiza ás 17h.
- Vigo: enfronte do mercado do Calvario, 17h.
