A CIG-Industria convocou unha protesta que coincide coa celebración do 15º Salón do Automóbil, para denunciar os despidos e os supostos abusos laborais no concesionario Rodosa, situado na estrada de Vigo-Outariz. A concentración está prevista para o sábado 16 de novembro, de 11:00 a 12:30 horas, coincidindo coa segunda xornada do Salón, que terá lugar en Expourense do 15 ao 17 de novembro.
Segundo a CIG-Industria, esta mobilización ten como obxectivo esixir a readmisión dunha traballadora despedida inxustamente por motivos organizativos, baseándose na reforma laboral para presentar o despedimento como obxectivo e evitar a indemnización. Ademais, buscan denunciar as prácticas abusivas e o incumprimento do convenio, como faltas de respecto e coaccións para traballar os sábados, algo prohibido polo convenio provincial do Siderometal.
