Para CCOO os datos de desemprego do mes de setembro publicados hoxe polo SEPE van na liña da estacionalidade. Setembro de maneira habitual adoita ser un mal mes para o desemprego polo final da campaña de verao.
Setembro remata con 14.692 persoas desempregadas (291 mulleres e 113 homes), na senda dos últimos meses. Sendo unha das cifras máis baixas dos últimos anos aínda temos 404 persoas desempregadas máis que no mes pasado. Con todo o paro descende en 539 persoas con repecto a setembro de 2023.
É o sector servizos o que máis incrementa o desemprego con 249 persoas máis (190 mulleres e 59 homes), seguido do colectivo sen emprego anterior con 97 (71 mulleres e 26 homes), da agricultura con 32 (12 mulleres e 20 homes) e da industria con 36 (18 mulleres e 18 homes). No único sector que descende é na construcción con -10, sendo todos eles homes.
Neste mes de setembro formalizáronse 6.362 contratos, 1.128 máis que no mes anterior.
A temporalidade volve a situarse no 66%.
A Secretaria Xeral, Ana Barrios, apunta que os datos son negativos polo incremento do desemprego feminino. .A situación acrecenta a fenda das mulleres no mercado laboral ourensá. Son elas as que ademáis sofren a maior precariedade. É o sector servizos o que máis acusa este desaxuste debido a súa gran feminización.
Apunta que a redución do paro ten que seguir sendo o obxectivo das políticas económicas de todas as administracións, locais, autonómicas e nacionais para chegar ao pleno emprego. É necesario dar resposta á desigualdade das mulleres no mercado laboral ourensá e galego cun plan de emprego específico.
